Shillong, Dec 18: Adita salrangna skang, West Khasi Hills a·jani Rangsapara Secondary School-o skigipa sakgniko dakait dakgipa manderangni chadrapanio skigipa saksa siangna gita nangahani gimin ia a·sel ong·aniko jegalgrime aro dos dakgipa manderangko rim·china dabie, Aradonga jolo donggipa ritchani ritcha manderang jinma tom·bimonge re·jomaniko ong·atangaha.

Ia tom·e re·jomaniko GSU, FKJGP, AHAM, ADE, HNYM, AYWO aro uandakgipa dingtang dingtang dolrang nangrime ong·atangaha aro ia re·jomanio chatro chatrirang aro jolo songdongenggipa bang·bea manderang bak ra·angtokaha.

Re·anggipa December-ni 11 tariko, West Khasi Hills a·jani Mynniar songo, ma·sina man·gijagipa manderang, Mawshynrut Block-ni ning·o donggipa Rangsapara Secondary School-ni skigipa sakgniko chadrapenba, uamangni tangka paisarangko ra·e katangahachim aro chadrapako man·e skigipa sakgnioni saksade siangna gita nangaha aro sakgipinba saknaanirangko man·ahachim.

Iakoba poraie nina man·gen: Mingsinggipa Khasi poet U Soso Tham-ni siaoni bilsi 83 ga·dapo uko dingtangmancha gisik ra·a

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub