Shillong, Dec 12: Sombar attamo, West Khasi Hills a•jao skulni headmaster aro skigipa saksako, ma•sina man•gijagipa manderang chadrapenba, uamangni tangka paisarangko ra•e kataha aro ia a•sel ong•anio skulni headmaster, janggitangko gimaatna nangaha.
West Khasi Hills a•jani Superintendent of Police (SP) Bikram D Marak-ni parakatani gitade, ia a•sel ong•ani somoio skulni headmaster aro sakgipin skigipa, Nongstoin SBI-oni skulona re•angpilengachim indiba Nongstoin police station-ni ning•o donggipa Mynniar songo, dakait dakgipa manderang, uamangoniko ra•seke ra•na gita uamangko chadrapsoaha.
A•sel ong•anio sianggipa skulni headmaster-ara Rangsapara songoni bilsi 50 ong•gipa Tengton R Sangma aro sakgipin skigipara Assam a•dokni Boko jolo donggipa Dakuapara songni Surya Kumar Chetry ong•achim ineba Marak aganaha.
SP-ni u•iatani gitade, ua somoio uamang sakgni AS-25E 1324 bike bolsao, skulna watatgipa tangkarangko okna gita Rangsapara Secondary School-oni SBI Nongstoin branch-ona re•angahachim aro uamang tangkarangko oke Langpih-Nongstoin rama gita re•bapilengmiting somoiosa uamangko dakait dakgipa manderang chadrapsoe, uamangni tangka paisarang gimikkon ra•e katangaha.
Ia a•sel ong•ani ja•man, jolo songdongenggipa manderang ambulance aganatenba, uamang sakgnikon Nongstoin hospital-ona watatahachim indiba skulni headmaster Tengton R Sangma-de rasong grie siangna nangaha aro Surya Kumar Chetry-koba nambate sanna Shillong-ona ra•angchina doctor-rang u•iataha ine Marak aganaha.
Ia a•sel ong•ani ja•man Assam aro Meghalaya a•dokni sima jolrango adita so•sojengjeng ong•anirang ong•kattaiaha aro a•dok damgnini paktangtango donggipa manderangan ia a•selko raken jegalatenba, ia a•sel ong•anio jak donggipa manderangko ta•raken rim•china Meghalaya sorkariko didiataha.
Iakoba poraie nina man·gen: Salgro-salaram a·dokrang kal·susaanio Indiani ripok do·katchi gita ong·a : Sourav Ganguly
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
