Shillong, Feb 3: Re•baenggipa February 27 tariko ong•atenggipa Meghalaya Legislative Assembly election-o susana gita West Shillong constituency-ni NPP candidate Mohendro Rapsang, Sukrobar salo an•tangni nomination-ko file ka•angaha.

2018 bilsini Assembly election-o Rapsang, Congress doloni susae seokako man•ahachim indiba re•anggipa bilsio uko doloniko ra•galani ja•man ua Congress dolko wate NPP-o napangskaahachim.

West Shillong constituency-o ua, UDP-ni MDC Paul Lyngdoh, BJP-ni state president Ernest Mawrie aro Congress dolni Beethleen Dkhar baksa susagrikna sienga.

Indake ong•engon, a•dokni saksa gitcham minister Donkupar Massar-ba apsan salon, an•tangni nomination-ko file ka•angaha. Ua Pynursla constituency-o a•dokni Deputy Chief Minister aro NPP-ni candidate Prestone Tynsong baksa susaskana sienga.

2008 bilsini Assembly election-o Massar, Nongskhen constituency-oni susae seokako man•ahachim.