Shillong, Feb 3: Nongkrem constituency-ni National People’s Party (NPP) candidate aro a•dokni Cabinet minister Dasakhiat Lamare-ba Sukrobar salo, an•tangni nomination-ko East Khasi Hills a•jani Deputy Commissioner (DC) office-o file ka•angaha.

Mawhati constituency-oni Nongkrem constituency-ona apjitangenggipa Dasakhiat Lamare, ia election-o chegipa ong•na ka•dongenganiko parakataha.

Nongkrem constituency-ni manderang uko seokchongmotgen ine an•tangni ka•dongchakenganiko parakatengon, ua jekai Mawhati constituency-na wal sal kamrangko ka•ahachim apsan daken Nongkrem constituency-ni manderangba uko seokgenchimode, an•tangko on•kange kamrangko ka•gen ine Lamare parakataha.

Nongkrem constituency-o ua tangka paisani bilrangko jakkalenga ine an•tangni kosako matnanganirangkoba Lamare raken jegalataha.