Shillong, Feb 3: Ia 2023 bilsini Assembly election-na National People’s Party (NPP)-ni ‘People’s Document – Vision 2023-28’ ine segipa election manifesto-ko Sukrobar salo, NPP-ni national president Conrad K Sangma-ni jakchi, Jowai jillao oprake on•angaha.

NPP has shown its potential in the last 5 years. Our people first mission is bringing the change we have envisioned for Meghalaya. We urge the people to trust Meghalaya’s own National Party so that together we can achieve new milestones for our State. pic.twitter.com/DBGBsyt6y6

— Conrad K Sangma (@SangmaConrad) February 3, 2023

Ia lekkao, 2023 bilsioni 2028 bilsiona Meghalaya a•dokni manderangna NPP-ni chu•sokate on•na miksongenggipa kamrangni gimin seaha aro ian mongsongbate a•dokni chadamberangna kamrangko aro janggi tangani cholrangko bikote on•an baksana game ge•e cha•giparangna aro songadam nokadamrango donggipa manderangna dakchakanirangko on•na miksongenggipa kamrangni gimin seaha.

Batanggimin bilsi bongani gisepo NPP-chi dilanggipa a•dok sorkarini chu•sokate on•gipa kamrangni gimin janapatengon, mikkangchi a•doko songdongenggipa manderangna nambata songsalko ong•atna ia sorkarini bilakgipa pangchakaniko songani bidingo ia election manifesto-o NPP janapaha.

2023 bilsioni 2028 bilsiona a•dokni chadamberangna ku•rachakenggipa kamrangni gimin janapatengon, lak 5 kamrangko ong•katate on•an baksana dingtang dingtang janggi tangani cholrangko on•na gita ia NPP-ni election manifesto-o ku•rachakaniko on•aha.
Chadamberangni changa sapanirangko namdapatna gita dingtang dingtang cholrangko on•na gitaba ia election manifesto-o janapaha.

Indake ong•engon, a•dokni songantion sorkarini kamrangko on•na gita ge 1000 Chief Minister’s Facilitation Centre-rangko kulina, game ge•e cha•enggipa manderangna sorkarini ra•gatgipa FOCUS aro FOCUS Plus program-rangko jako ra•angkuna gitaba NPP-ni election manifesto-o ku•rachakanirangko on•aha.

Iana agreba, songantionan rama jal•langrangko tarie on•na, internet-rangko on•na, IT Park-rangko kulina, nokantionan chi pipe-rangko sale on•na, an•seng baljokani kamrangko namdapatna aro da•o dongenggipa scheme-rangko manderangni namgnina nambatate jako ra•angkuna gitaba NPP-ni election manifesto-o janapaha.

NPP-ni election manifesto-ko oprake on•angani somoio dongpae bakko ra•anggipa gipin manderangara, a•dokni Deputy Chief Minister Prestone Tynsong, Cabinet Minister Sniawbhalang Dhar, Raliang MLA Comingone Ymbon, Jowai MLA Wailaimiki Shylla, East Shillong-ni NPP candidate Ampareen Lyngdoh aro gipinrang ong•a.