Tura, May 21 : 2024 bilsini May jani 16 tariko, ta•makku ringaniko jegale manderangni an•seng baljokaniko namdapatna, Tura-ni Nivedita Senior Secondary School, namen nambegipa ja•ku de•aniko dakangaha. Ia re•jomanio sak 200 mang chatro chatrirang aro gisiko nanggipa skulni skigiparang baksana skulo pilak kam ka•giparangba jillani ramarango, ta•makku ba uandakgipa ta•makku gnanggipa bosturangko cha•jachina ba jakkalkachina ine segimin lekka paltakrangko ra•enba re•jomaniko dakangaha.
Ia re•jomaniko, salni 10 bajio skul-oni a•bachengenba bazar-ko re•pakangenba, bang•a manderangni gisiko nange nirikaniko man•an baksana ua jolo songdongenggipa manderangni chakpaanikoba man•aha. “Smoking kills, quitting thrills!” , “Healthy mind, healthy life-say no to tobacco!” iarangan bilsubegipa kattarangoni mittam kattarang ong•achim, jean ia re•jomani bidingo talataniko on•an baksana rama gimiko gam•chakeaha. Ta•makku ringanichi maidakgipa be•enna namgijaniko ra•baachim aro ta•makku ringgija janggi tangode maidakgipa namgnirangko man•achim, uni gimin mikronchi nie u•ichina gita chatro chatrirangni tarigimin noksarangkoba nikna gita man•aha.
Ua jolo donggipa banga manderangba ia re•jomanio re•baenba bakko ra•angtokpaaha. Skul aro jolo songdongenggipa manderangni apsan ong•anira, jinmani an•seng baljokanina kam ka•anio neng•nikanirangni bidingo apsan ku•cholsan ong•e kam ka•ani gamchataniko mesoka.
“Chingni skul-ni miksonganide poraia mangmanganisan ong•aija,” ine Nivedita Upper Primary Section-ni Principal Smt Pallabi Saha, uni chatro chatrirango aro skulni skigiparango rasong chae aganangaha. “Chinga chingni chatro chatrirangko, an•tangni daito-ko u•ie songsalo daitoko ra•e janggi tanggipa manderang ong•atna ska. Da•alni re•jomanio, songsalko an•seng baljoke aro ta•makku grigipa songsalko ong•atna chingni chatro chatrirangni gisiko nange kam ka•aniko sakki on•a.” ineba ua agandapangkuaha.
Na·simang ia video-koba nina man·gen:
Na·simang iakoba poraina man·gen: Iranian Prez-ni sianina a•songni nisanko office-rango tong•sa songa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
