Shillong, July 19: West Shillongni MLA Mohendro Rapsang mongolbar salo dakchakgipa skotong minister Prestone Tynsongko gronge, Shillongni Maubah gittimo songdongenggipa manderang aro dilgiparang baksa golporimaha.
Meghalaya sorkari ia Maubah gittimko Harrizan colonyoni jitna nanga ine niamko HC ona sedoatani ja•man ia obostarang ong•enga ine nikatna man•gen. Indake ong•genchimoba ia jolo songdongenggipa manderang ia sorkarini ge•etaniko jegaltokskaenga.
Uamangni gittimona re•ange golporimani ja•man ia neng•nikanirangko namatna aro nambata cholrangko dake on•skana dakchakgipa skotong minister Prestone Tynsong ka•dongatani kattarangko aganaha.
“Ia gittimo mande sak 14000 aro nokdang 342 mang gnang. Chinga iako wate katnade namen dal•bea duk aro neng•nikani ong•gnok, unigimin chinga maming saloba ia biaponi jitchongmotjawa” ine Maubah ni Rangbah Shnong David Syiemlieh aganaha.
