Tura, Feb 10: District Level Task Force (DLTF), West Garo Hills a·jani Phulbari aro Batabara-ni Gomaijhora jolo niam gri chalaienggipa ittarangni karkanarang aro a·mang cho·anirangko am·sandienba pe·e galaha.
Ittarangko tarigipa a·mangrangko niam gri cho·ani aro karkanarangko niam gri chalainirangko dakenga ine dingtang dingtang dolrangoniko kobor man·soenba ia am·sandianirangko a·bachengataha. Uandake, Meghalaya Minor Mineral Concession Rules (MMMCR), 2016-ko pe·e ia kamrangko ka·enga ine nikna man·aha.
Ittarangni karkanarangko chalaigiparang State Pollution Control Board-oniko Consent to Establish (CTE) aro Consent to Operate-ko (CTO) ra·kuja ine parakataha.
Iana skangrangba uamangna show cause notice-rangko on·genchimoba, uamang kamrangko dontongatjaha, aro uandaken administration-oni ja·ku de·aniona sokaha.
District Administration, Police, Forest Department, Water Resources Department, State Pollution Control Board aro sakgni member-rangni bakrimgimin DLTF, ia niam gri chalaienggipa karkanarangko pe·e galna aro niam gri a·mangrangko cho·enggiparangko dontongatna ge·etaniko on·ataha.
Am·sandianirangko dakengmitingo, karkaranarangko pe·e galna JCB gari bolgni aro dumper truck bolsako jakkalaha aro man·gimin bosturangko Range Office-ona ra·ange donaha.
Ia am·sandie man·aniaranga a·mangrangko itta tarina niam gri cho·ani aro samtangtangna namgijaniko ra·bagipa dakbewalrangko ranta ka·anirangko dontongatna ine ong·a Divisional Forest Officer (DFO)-cum-DLTF-ni Member Secretary, West & South-West Garo Hills-Division, Tura, Rupanker K. Marak parakataha.
Iandakgipa niam pe·anirangko champengna pil·nipil am·sandianirang aro nirokatanirangko dakanggen ine ua aganangaha. Uandake, ittarangko tarina a·mangrangko niam gri cho·ani aro niam gri karkanarangko chalaianirangko department-na u·iatchinaba jinmarangkoba mol·molangaha.
Meghalaya-ni badiaba bakrango, itta tarina niam gri a·kol cho·anirangko bang·en nikna man·enga aro indake dakanichi a·arang nosto ong·enga, burung-bolgrimrang komiangenga aro chiring-chibisikrang tipangenga.
Niamko pe·e dos dakgiparangko kragipa niamrangko ja·rike ja·kurangko de·anggen ine official-rang aganangaha.
Ong·telaigipa gam-jinrangko ripinge rakkina aro karkanarangko chalaianirang dongimin niamrangko ja·rike kamrangko ka·anirangko niatna district administration krenge kamrangko ka·anggen ine changsatai ku·chake on·angaha.
Na·simang iakoba nina man·gen:
Na·simang iakoba poraina man·gen: Dawagre-o gital rikgipa Mater Dei Parish Church-ko nokdonggaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
