Williamnagar, October 30: Cultural Committee aro Student Council apsan nangrimenba, Williamnagar Loyola College-o Annual Cultural Day-ko gisiko nangbee maniangaha, jeon jatni dakbewalrangko mande ra•ani bak gita pilak chatro chatrirang aro staff-rangan jatni ganding chindingrangko ganne mesokangaha.
GHADC-ni gitcham High Power Committee-ni chairman aro All Garo Union-ni ku•pattitimgipa, Rudreshwar Ch Momin, Loyola College-ni Rector Rev. Fr. Melvil Pereira, Fr. Athiko Stephen aro dingtang dingtang mande ra•ako man•a kragiparangba ia an•saobegipa manianiona re•bae bak ra•angtokaha.
Tom•anio aganengon, Fr. Pereira, A•chik jatrangni bilna an•chi pari gri tom•tom warachakaniko dakgipa aro rorirangni sason ka•aniko jegale jakgitelanina krengdilgipa Sonaram R Sangma-ko gisik ra•na nangchongmotani gimin aganangengon, Sangma-ni dingtangmancha nambegipa dakbewalko ja•rikna aro mande ra•china gitaba sakantikon didiangaha.
Tom•anio mongsonggipa sokgipa, Rudreshwar Ch. Momin, chatro chatrirangni dingtang dingtang jatni ganding chindingrangko gannaniko nike ku•si ong•engon, ku•mong nangrimaniko bilakbatatna aro jatsa jatgipinni dakbewalrangko u•i ma•sibatatna gita cultural events ba jatni manianirangko ong•atna nangchongmotani gimin aganangaha.
Higher Secondary-o poraienggipa chatro chatrirangni ma•gitcham pagitchamrangni gitrangko ring•susaanichi ia program-ko a•bachengatenba, joljol degree-o poraienggipa chatro chatrirangna Wangalsusaaniko ong•atangskaaha.
Ia manianio, jatni cha•rong bewalo gita bijak song•susaanirangko ong•atangan baksana jatni kal•susaanirangkoba ong•atangaha.
Ia salko maniani bak gita, Salgro Salaram jolo donggipa dingtang dingtang jatni ganding chindingrangni ma•eke nitoaniko rasong chabee gane mesokanikoba dakangaha.
Na·simang ia video-koba nina man·gen:
Na·simang iakoba poraina man·gen: Cotton University-ni chatro chatrirang Dighalipukhuri-o bol den•aniko champengna gita walgimik re•roroe nirokaniko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
