Tura, July 21: A·dokni job reservation policy-na Meghalaya a·doko ra·gatnasienggipa Roster System baksana Tura songjinmako Winter capital songchina gita dabienggipa A·chik a·songni namgnina re·chakate kamko ka·enggipa dingtang dingtang dolrang baksa golporimna aro dingtang dingtang mamalao neng·nikanirangni bidingo jingjengatenggipa dolrangni agananirangko knatime ra·na gita, re·baenggipa July 24 tariko Meghalaya-ni skotong minister Pa Conrad K Sangma-ni Tura songjinmaona re·banasienganiko West Garo Hills a·jani Deputy Commisioner, Sukrobar salo u·iatangaha.
Skotong minister baksa tom·e chanchirimaniko Tura Circuit House-ni conference hall-o attam 1 ata bajioni 3 bajiona ong·atna manchienganiko janapatengon, bakko ra·nasienggipa dolni dilgiparangko attam 1 bajion biapona sokbatokchina aro doltangtangni biming, contact nombor baksana bimingtangtangko segatchina gita mol·molaniko on·ataha.
Kosako janapgimin u·iatanirangko manichina dingtang dingtang dolni dilgiparangko mol·molangkuengon, a·jani DC, dorgastorangko re·baenggipa July 22 tarikni attam 8 bajina skang phone nombor 60096055055 -ona watatchina ba [email protected] -ona email ka·atchina gita didianiko on·atjolaha.
Iakoba poraie nina man·gen: NPYF, Class X aro 12 ni topper rang aro gipinrangko Shillongo mande ra·e tom·aniko ong·atanga
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
