Shillong, Mar 12: Tura-ko Winter Capital songchina dabianiko jegalenga ine social media-o matnangahani gimin mande sakgnini kosako Meghalaya Assembly-ni Deputy Speaker Timothy D Shira, mokordoma ka•doangaha.
Tura-ko Winter Capital songchina dabiengako jegala ine matnangahani gimin Assam-ni Goalpara a•jao donggipa Daranggiri songni Mikkanchi R Sangma aro North Garo Hills a•jao donggipa Thapa Darenchi songni Balsrang Marak-ni kosako Assembly-ni Deputy Speaker aro Resubelpara-ni MLA Timothy D Shira, Budbar salo, Shillong-ni Chief Judicial Magistrate-ni kachario mokordoma ka•doangaha.
Iani bidingo kobor ra•timgiparangna talataniko on•angengon, Tura-ko Winter Capital songani bidingo uni Assembly-o agananiko ia mande sakgni, youtube social media-o tol•e matnangahani gimin ua ia mande sakgnini kosako mokordoma ka•doangaha ine Shira parakataha.
“Ia manderang, angni Assembly-o agananiko name ma•sichenggija, Tura-ko Winter Capital songchina dabienganiko jegalenga ine YouTube-o tol•e matnangaha,” ineba ua aganaha.
Ia mande sakgnini kosako mokordoma ka•ani bidingo Shira-ni ukilba kobor ra•timgiparangna talate on•angengon, da•al uamang minggni case-rangko, chong•motan ‘defamation’ aro ‘criminal defamation’-ko kachario ka•aha ine parakatenba, ‘criminal defamation’-ode ia manderang, an•tangtangni matnanganirangna sakkirangko mesokna man•jagenchimode niamo pangchake uamangko sasti on•na man•gen aro uamang, Deputy Speaker-ni kosako tol•e matnangahani gimin ia mande sakgniokon gong crore ritchaprak ka•e ‘defamation case’-ko ka•skaaha ine aganaha.
Na·simang ia video-koba nina man·gen:
Na·simang iakoba poraina man·gen: India aro Mauritius-ni PM-rang mingchet MoU-o soi ka•grika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
