Jowai, Nov 30: West Jaintia Hills District-ni National Health Mission-ni ong·atenggipa, Social Awareness and Action to Neutralise Pneumonia Successfully (SAANS) campaign-ko West Jaintia Hills-ni District Medical and Health Officer, Dr. KC Ajar-chi Mongolbar salo a·jani Lumkyrwiang Urban Primary Health Centre (UPHC)-o a·bachengate on·angaha.

Pneumonia saani chinrang aro saani rokomrangko agane on·angenba, maibakai uandakgipa saani chinrang jekai rang·sitna man·gijani, gusuani, fever ong·ani ba jeba saani rokomrang dongako rim·a man·ode bakbakan sana-bananiko on·enggiparangoniko dakchakaniko am·china gita Dr. KC Ajar, bi·sani ma·gipa-pagiparangko didianga baksana, bi·sarango pneumonia saako champengsoaniara bi·sarangni siako komiatanio mongsonggipa bak ong·a ineba agandapataha. Unomiting, District Maternal & Child Health Officer aro District Immunisation Officer-ba ong·enggipa Dr. M. Syngkon-ni agananganio, bilsi-sa ong·kugijagipaoni bilsi 5 ong·gipa bi·sarangni Diarrhoea aro Pneumonia sae siaoniko champengna gita miksonge ia SAANS Campaign-ko ong·atenga ine parakataha.

Unbaksana, programni minggittam miksonganirang jekai naljokatani, champengsoani aro sana-bananiko on·anio pangchake mongsongbate aganan baksa, nanga ong·ode bi·sarangni janggirang gimagnioniko champengna gita somoi gita sana-bananiko on·na nangani giminba ua aganangkuaha. Salni programko Additional DMHO, Dr. A Challam-chi dakdilangaha, indake, mittelpilskaaniko Lumkyrwiang UPHC-ni incharge, Dr. R Passah aganangskaaha.