Williamnagar, Oct 17: ‘Today’s Youth, Tomorrow’s Leader’ ba ‘Da•alni Chadambe, Knalni Dilgipa’ ine pangchakaniko donenba, East Garo Hills District Sports Office-ni gita salgnina District Level Youth Exchange Program-ko Williamnagar District Auditorium-o ong•atenga aro ia program-ko Bristibar salo, East Garo Hills a•jani Deputy Commissioner Vibhor Aggarwal, a•bachengate on•angaha.
Ia program-ko a•bachengatanio, program-o bak ra•enggiparangna East Garo Hills a•jani District Sports Officer Babira G Momin, rimchaksoani kattarangko aganangengon, ia program-ko ong•atani giminba agan-talate on•angjolaha.
Ia tom•anio, East Garo Hills a•jani Deputy Commissioner, tom•anio bak ra•enggiparangna aganprakangengon, pilak chadamberangkon iandakgipa program-rango bak ra•e, saksa sakgipin baksa meli nangrimchina agan-ku•pattianirangko on•angaha.
Iandakgipa program-rangko ong•atanichi jatni dakbewal rikbewalrangko ripingna aro mesokna chol ong•a ineba ua aganaha.
Ia Youth Exchange Program-o East Garo Hills gimikni damchet skul aro college-rang bak ra•angaha aro uarangara, Williamnagar-ni Ramsang College, Williamnagar Govt College, Williamnagar-ni Sacred Heart Higher Secondary School, Williamnagar-ni Greenyard Higher Secondary School, Williamnagar-ni Loyola College, Rongrenggre Government Higher Secondary School, Williamnagar Govt. Higher Secondary School aro Rongjeng Degree Model College ong•a.
Ia Youth Exchange Program-o chatro chatrirangna dingtang dingtang susaanirang, jekai Folk Song competition, Folk Dance competition, Declamation, Poetry aro Story Writing competition-rangko ong•atangaha aro ia susaanirango dingtang dingtang skul aro college-ni chatro chatrirang bak ra•angtokaha.
Ia program-o Folk song aro Folk Dance competition-ko nisusana okamako man•giparangoni saksa, Ramsang College-ni principal Ezekiel Pangkam R Sangma, ia program-o bak ra•giparangna folk song aro folk dance-ni gimin agan-talataniko on•angenba, jatni dakbewal rikbewalrangko skie ra•china aro ja•rikchina chadamberangko didiangaha.
Ia salgnina ong•atenggipa District Level Youth Exchange Program-o dingtang dingtang susaanirango chegipa chatro chatrirang, Shillong-ona re•ange State Level Youth Exchange Program-o bak ra•ena gita cholko man•gen.
Na·simang ia video-koba nina man·gen:
Na·simang iakoba poraina man·gen: Gambegre By-Election-o Congress dolna Jingjang M Marak susaanggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
