Williamnagar, Jan 14: Mongolbar pringo, Williamnagar Civil Hospital sambao wa•al kamchakatenba, ia biapo donggipa dokkan damsniko bon•pile wa•al kamgopaha.
Ia biapo dokkan dakenggipa Rukalgre songni saksa Mohini Marak-ni aganani gitade, ia biapo wa•al pring 3:30 bajimangoni kamna a•bachengaha aro wa•alrang ta•raken giproroenba, ia biapo donggipa dokkan tesniko bon•pile wa•al kamgopaha.
Wa•al kamgopa man•gipa dokkanrangoni dambride ia me•chiknin ong•achim aro uni dokkanrangko wa•al kamanio lakbrimangni gita tangkarangkoba kamchapaha.
Wa•alko kimitna ta•raken Williamnagar-ni Fire & Emergency Service, ua biapona re•baahachim indiba uamang wa•alko kimitsrapjae, dokkan damsnikon bon•pile wa•al kamgopaha ine ua aganaha.
Maini a•sel wa•al kamchakataha ua an•tangba ma•sijaha ine talatangengon, wa•alko kimitna jotton ka•anio mande saksaba uko dakchakna jotton ka•ahachim indiba uamang wa•alko kimitna man•jaha ine Mohini aganaha.
Dokkanrangko wa•al kamengmitingo LPG cylinder ronggni gopretaha aro iani a•selba wa•alrang bilakbate giproroangaha.
Ia dokkanrangko wa•al kamanichi dokkan nokgiparang noksan ong•atako man•na nangahaon, Williamnagar jillao wa•alrangna simsake dongna nangengani gimin manderangna mikrakataniba ong•aha.
Na·simang ia video-koba nina man·gen:
Na·simang iakoba poraina man·gen: KHADC-ni revenue 49%-ni gita tang•ona
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
