Williamnagar, Sep 22: Balsrigittim Sports Club aro Simsanggre Citizen’s United Club-ni bilsianti ong·atenggipa Ma·chong Football Tournament ba Maharirangni robol kal·susaaniko September-ni 21 tarik dipet Rongrenggre Government Higher Secondary School-ni kal·chakram biapo a·bachengataha.
Ia chang Ma·chong robol kal·susaanio, dol 24 Chrarang aro dol 12 Nokme·chikrang bak ra•enga aro ia gnigipa changna ong•atenggipa Ma•chong Football Tournament-ko a·bachengatanio, Williamnagar-ni MLA aro a·dokni Cabinet Minister, Marcuise N. Marak mongsonggipa sokgipa ong•e bak ra·angaha.
Ia robol kal·susaaniko a·bachengatanio, Bajengdoba-ni MLA aro Public Grievances Committee-ni Chairman, Pongseng R. Marak baksana dingtang dingtang gadango kam ka•enggiparang, Nokma-Sordar rang, me•apa-me•chikmarang aro Mahariko dilenggipa manderangba bak ra·angtokaha.
Ia tom•anio, Bajengdoba-ni MLA Pongseng R. Marak, jinmana aganprakengon, ia ma•chong robol kal·susaaniko ong·atenggipa dolrangko mittelpilangenba, iandakgipa tournament-rangko ong•atanichi, dedrangko robol kal•ani a·bao de·doani ong•a aro ma·drang-mahariskarangko gronggrike ma·sigrikna chol ong•a ine aganaha.
Ia tom·anio mongsonggipa ong·e sokgipa, Williamnagar-ni MLA Marcuise N. Marak, jinmana aganprakangskaengon, ia Ma·chong robol kal·susaani organiser-rangko mittelchengenba, mikkangchi Skotong Minister-ni ong·atna sienggipa dam 60 constituency-rangni robol kal·susaanio bak ra·pana man·na gita ia Ma·chong robol kal·susaanio kal·na changbatgiparangko seokchina gita didiangaha. Kal·susaani a·bao bimchipe aro gisiko nange bak ra·china gitaba Marak, chadamberangko didiangaha.
Ia Ma•chong Football Tournament-o skanggipa Dawa Nokme•chik aro Manda Nokme•chik dolni gisepo kal·angaha aro dolgnian a·bachengode biltinggrike kal·aha indiba adita kal·angani ja·man Dawa Nokme•chikrang, Manda Nokme•chikrangko sikchepaha aro gol 3 chipe Dawa Nokme•chikrang chegipa ong•aha.
Skanggipa Chrarangni kal·anio, Nengminja aro Agitok Chrarang kal·angskaaha aro ia kal·anio, Nengminja chrarang gol 3 aro Agitok chrarang gol 2-kosan chipe, Nengminja chrarang chegipa ong•aha.
Na·simang ia video-koba nina man·gen:
Na·simang iakoba poraina man·gen: JRF-o nambatsranggipa gadangko man•e chu•sokaniko man•giparangna mande ra•pilskaaniko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
Download our app from playstore – Northeast Media Hub
