Williamnagar, Oct 21: A•songna dangdike on•anio an•tangtangni janggirangko gimaatna nanggipa sipairangko gisik ra•na aro mande ra•pilskana gita Sombar salo, Police Commemoration Day-ko, Williamnagar Police Reserve-o maniangaha.
Ia salara dingtangmancha 1959 bilsini October 21 tariko Ladakh-ni Hot Spring-o, a•songni simarangko chel•chakenggipa sipairangko Chinese Army-rangni chadrapanio so•ota man•gipa sak 10 Indian sipairangko gisik ra•na gita manirongenggipa sal ong•a aro ia salo, a•songna dangdike on•anio an•tangtangni janggirangko on•chakgipa pilak sipairangnan mande ra•pilskaaniko dakrongenga.
Ia salko Williamnagar Police Reserve-o maniangengon, East Garo Hills a•jani Deputy Superintendent of Police (DSP) Anthony Ch Momin, Police Commemoration Day-ko maniani bidingo talate on•angenba, a•songtangna janggirangko on•chakgipa sipairangni kamrangna mittelpilaniko parakangaha.
Ia salko manianio dongpae bak ra•anggipa gipin manderangara, Deputy Superintendent of Police (Crime) Subir Sangma, Deputy Superintendent of Police (DSP) Howard K. Marak, 5th MLP Battalion-ni Assistant Commandant, Civil Defence Home Guard-ni Assistant Commandant, dingtang dingtang officer-rang aro gipin sipairang ong•a.
Ia manianio sianggipa sipairangna pulrangchi mande ra•pilskaaniko dakangaha aro uni ja•man Shok Parade Commander Richmond R Marak-ni dilanichi gun salute-koba dakangaha.
Na·simang ia video-koba nina man·gen:
Na·simang iakoba poraina man·gen: Gambegre constituency-ni song damgnio Conrad campaign ka·anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
