Williamnagar, Jan 26: India a·songni gipin biaprango gitan East Garo Hills a·jaoba chang 76-gipa Republic Day-ko Williamnagar-ni Rongrenggre Govt Higher Secondary School kal·chakramo, mikkim rasong baksa maniangaha aro ia manianio, Meghalaya a·dokni Power Minister Abu Taher Mondal, mongsonggipa sokgipa ong·e, a·songni nisanko badale on·angaha.
Ia salko manianio, a·dokni Power Minister, jinmana aganprakangengon, a·dok sorkarini chu·sokatgimin aro chu·sokatenggipa dingtang dingtang kamrangni gimin aganangenba, a·dokni pilak biaprangon manderangna chu·onga gita bijoliko on·na sorkari jotton ka·enga ine parakangaha.
Batanggimin bilsi bongani gisepo bijolini kamrangko nambatatna MeECL-ni rakbee kamrangko ka·anichi 2024 bilsio load shedding-ko ka·na nangjaha ineba Mondal aganaha. Apsan daken, ia 2025 bilsioba a·dok sorkari, manderangna maming neng·nikaniko on·ani grian bijoliko on·angkuna jotton ka·enga ineba ua aganaha.
Williamnagar-o chang 76-gipa Republic Day-ko manianio, dingtang dingtang sipai dolrang aro skul-college-rango poraienggipa chatro chatrirangni march past ka·aniko, East Garo Hills a·jani Additional Superintendent of Police Anthony Ch Momin dilangaha aro ia manianio dingtang dingtang department-rangba an·tangtangni kamrangko mesokna tableau-o bak ra·angtokaha.
Ia manianio dingtang dingtang skulni chatro chatrirang, gitrangko ring·e, chrok mesae aro dingtang dingtang dakmesokeba manderangko an·saoatangaha.
Ia tom·bimonganio, adita salrangna skang Meghalaya Civil Service porikkao chu·sokgipa ong·anina Akash R Marak, Lishana Balsime R Marak aro Eurekha D Shira-naba mande ra·pilskaaniko dakangaha. Unbaksana ia manianio, police-rang aro chatro chatrirangnaba uamangni kamrango chu·sokgipa ong·anina aro a·songna on·gilanirangna mande ra·pilskaaniko dakangaha.
Me·asa dolrangni march past ka·susaanio, skanggipa boksisko Williamnagar Govt College-ni NCC aro gnigipa boksisko Mount Penuel Higher Secondary School-ni chatro cheangaha. Me·chikrangni march past ka·susaanio, skanggipa boksisko Williamnagar-ni Jawahar Navodaya Vidyalaya (JNV) aro gnigipa boksisko Rongrenggre Govt HS School cheangskaaha.
Nambatgipa tableau-na susaanio skanggipa boksisko Meghalaya Skill Development Society aro gnigipa boksisko District Rural Development Agency cheskaaha.
Na·simang ia video-koba nina man·gen:
Na·simang iakoba poraina man·gen: Gipin a·songrango kam ka·na gita sak 10,000 manderangna training-ko on·gen: CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
