Williamnagar, Apr 28: East Garo Hills District Sports Office aro District Sports Promotion Society-ni nangrime ong•atgipa Williamnagar Open Futsal Tournament-ko Sombar salo, Rongrenggre kal•chakramo matchotataha aro ia bon•kamgipa kal•aniko Vamos Football Club aro Chandmary Football Club-ni gisepo kal•susaangaha.
Ia bon•kamgipa kal•anio dolgnian bilakbee kal•aha indiba bon•kamao Vamos FC, goal 3-1-chi Chandmary FC-ko cheangna man•aha.
Ia final kal•susaanio, Vamos FC-na Chusrang Ch Marak goal 2-ko aro Akim R Sangma goal 1-ko chipe on•aha. Chandmary FC-na Songanan Saiza, goal-sako chipe on•skaaha.
Ia Williamnagar Open Futsal Tournament-o Best Player-ni boksisko Vamos FC-ni Easter Salchang Ch Sangma man•aha aro Best Goalkeeper-ni boksisko Chandmary FC-ni Balgrim G Momin man•angskaaha.
Ia final kal•susaanio, Meghalaya a•dokni PHE Minister aro Williamnagar-ni MLA Marcuise N Marak, mongsonggipa sokgipa ong•e, kal•susaanio bak ra•giparangna aro kal•susaaniko nina re•bagipa pilaknan aganprakengon, ia Open Futsal Tournament-ko nambee ong•atahani gimin East Garo Hills-ni District Sports Officer Babira G Momin-ko mittelpilangaha. A•songni aro a•gilsak gimikni kal•susaanirango chegipa manderangna maikai a•dok sorkari, mande ra•pilskaani chin gita sorkarini kamrangko on•engachim, uarangni giminba Marak, kal•susaanio gisik nanggipa chadamberangna gisik ra•atpilaniko on•angaha. Kal•susaanio gisik nanggipa pilak chadamberangkon gisiko nangchina aro kal•a changantian an•tangtangni nambatakosa on•china gitaba Marak didiangaha.
Ia bon•kamgipa kal•susaanio dongpae bak ra•anggipa gipin manderangara, East Garo Hills-ni SP Stephen Rynjah, a•dokni gitcham Sports & Youth Affairs Minister Billykid A Sangma, East Garo Hills-ni Additional SP Anthony Ch Momin, Rongrenggre Govt School-ni Principal SG Momin aro gipinrang ong•a.
Na·simang ia video-koba nina man·gen:
Na·simang iakoba poraina man·gen: Pahalgam-o bobil dolni chadrapaniko jegale Shillong-o dokkanrangko chipa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
