Jowai, Aug 22: Meghalaya Assembly-ni Women Empowerment Committee, Mongolbar salo, West Jaintia Hills a•jaona re•angenba, me•chikrango nangchakegipa dingtang dingtang kamrangni bidingo chanchirimna gita dingtang dingtang department-rang baksa tom•aniko Jowai-o donggipa Soil & Water Conservation office-ni conference hall-o ong•atangaha.

Ia tom•aniko MLA Santa Mary Shylla dilangaha aro tom•anio committee-ni membor-rang, chong•motan MLA Miani D Shira, MLA Adelbert Nongrum aro sakgipin MLA Mathew Beyondstar Kurbah-ba dongpae bak ra•angaha.

Ia tom•anio Women Empowerment Committee-ni membor-rang, dingtang dingtang department-ni officer-rang baksa chanchirimangengon, West Jaintia Hills a•jao me•chik aro bi•sarangni namgnina dingtang dingtang department-ni ning•o ra•gatgipa scheme aro kamrangni bidingo chanchirimangaha.

Me•chikrangni namgnina kamrangko nambate ka•na man•na gita dingtang dingtang department-ni ning•o ra•gate ka•enggipa program-rangkoba ia tom•anio nipilangaha.
Ia tom•anio dongpae bakko ra•anggipa gipin manderangara, West Jaintia Hills a•jani Deputy Commissioner BS Sohliya, Superintendent of Police (SP) C Syrti aro gipinrang ong•a.

Iakoba poraie nina man·gen: Conjunctivitis saaniara batrikrikgipa ong•genchimoba kenna nanggipa ong•ja ine Health Minister talata

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub