Shillong, Sep 6: Moldova-o ong•atanggipa World Arm Wrestling Championship ba a•gilsak gimikni jakpong pe•susaanio Meghalaya a•dokoni re•anggipa manderangba medal-rangko chebaahani gimin Sukrobar salo, ia manderangna mande ra•pilskaaniko dakna gita dingtangmancha program-ko Meghalaya Arm Wrestling Association-ni gita KJP Assembly Hall-o ong•atangaha aro ia program-ko ong•atanio, Meghalaya a•dokni Chief Minister Conrad K Sangma baksana a•dokni Sports Minister Shakliar Warjri-ba dongpae bak ra•angaha.
Ia tom•anio a•dokni Chief Minister, jinmana aganprakengon, a•gilsak gimikni jakpong pe•susaanio medal-rangko cheaniara altua kam ong•ja ine ia susaanio chegiparang ong•e a•dokna mikkim rasongko ra•baahani gimin ia World Arm Wrestling Championship-o medal-rangko chebagipa manderangko mittelpilangaha.
Meghalaya gita chonbegipa a•dokoni iandake a•gilsak gimikni susaanio chu•sokgipa ong•aniara susagiparangni gisiko nangani, kamtango bimchipani, an•tangko on•kange kam ka•ani aro Isolni ka•sae pattianian ong•aha ineba Chief Minister aganaha.
Meghalaya a•doko kal•susaanirangko nambatatna gita sorkarini a•bachengatgipa kamrangni gimin janapangskaengon, batanggimin bilsirango sorkari, kal•susaanirango bang•en tangka paisarangko koros ka•aha aro iandake tangka paisarangko koros ka•anichi dingtang dingtang kal•susaanirangko namrorobaaniko nikna man•engaha ine Sangma aganaha.
Meghalaya a•doko Inter Constituency Football Tournament-ko bakan ong•atna sienga ine parakatengon, ia robol kal•susaanio, pilak constituency-rangonin dolprak bak ra•e gimik dol 60 robol kal•giparangni gisepo kal•susaanggen ine Chief Minister aganaha.
Ia tom•anio a•dokni Sports Minister Shakliar Warjri-ba jinmana aganprakengon, ia World Arm Wrestling Championship-o medal-rangko chegipa sakantinan an•tangni namgipa skanirangko on•angaha aro mikkangchiba a•dokni Arm Wrestling Association-na sorkari pilak nanga dakchakanirangko on•angkugen ine ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: Boko chiringoniko an•cheng aro rong•srek bikotaniko jegalgrima
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
