Shillong, Oct 9: Sombar salo, World Bank-ni official-rang baksa Khasi Hills Autonomous District Council (KHADC)-ni Executive Committee (EC) tom•e chanchirimangaha. Ia tom•anio mongsonggipa chanchirimaniara, KHADC-ni ning•o donggipa dambonga a•jarang, chongmotan East Khasi Hills (EKH), West Khasi Hills (WKH), Eastern West Khasi Hills (ETW), South West Khasi Hills (SWKH) aro Ri Bhoi a•jao jronggijagipa jabolrangko name simsake rongtal an•tale galani bidingo agangrikani ong•achim.

Ia tom•ani joljol, World Bank-ni officialrang, KHADC-ni membor-rang baksa, Mawlai-ni Mawiong-o donggipa jabol galchakramona re•ange nirokanikoba dakangjolaha.

Ia namgipa ja•ku de•aniko chu•sokatna World Bank-ni gita tangka paisachi dakchakaniko on•enga ine KHADC-ni Chief Executive Member (CEM) Pyniad Sing Syiem parakataha. Ia project KHADC (Solid Waste Management) Act 2020-o pangchake on•enggipa ong•a aro ia project-ko KHADC aro World Bank apsan nangrimenba, rongtal an•tale dongani gimin aro noktangtangon jabolrangko name simsake galani bidingo manderangna mikrakataniko ba u•iataniko on•a ine miksonge ja•ku de•ani ong•a ineba Syiem parakataha.

Iakoba poraie nina man·gen: Mizoramni assembly electionko ECI u·iatsamsoa

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub