Tura, Mar 21: Ia bilsini World Water Day-ko maniani bak gita Sukrobar pringo, West Garo Hills a•jani PHE department, kilometer 10-ni Marathon-ko Tura-o ong•atangaha aro ia Marathon-o chona dal•a gimik sak 339-mangni gita manderang bak ra•angtokaha.
Marathon-ko New Tura-o donggipa Matchakolgre LP School kal•chakramoni a•bachengatenba Bokmagre gita Ballonggre kal•chakramo matchotataha.
Ia Marathon-ko dingtang dingtang gadangrang, jekai bi•sarang, ja•delgimin manderang aro me•chikrangna dingtang dingtang dake ong•ataha, jeon bak ra•giparangoni bilsi 64 ong•gipa mande saksa brebatgipa ong•aha aro bilsi 12 ong•gipa bi•sa, dambebatsranggipa ong•aha.
Marathon-o chegiparangna skanggipa boksisko gong 7000, gnigipana gong 5000 aro gittamgipana gong 3000 ka•e donsoaha. Unbaksana bilsi 50 batgimin manderang aro bilsi 12-na komigipa bi•sarang, jemangan ia Marathon-ko matchote katahachim, uamangnaba gong 1000 ka•e consolation prize-ko donaha.
Male Category-o chegiparangara, skanggipao Machillan B Marak, gnigipa Jemon Makri aro gittamgipa Nirest R Marak ong•aha, Female Category-o chegiparanga, skanggipa Dimchi Ch Marak, gnigipa Martha D Sangma aro gittamgipa Susana M Sangma ong•aha, Oldest Category-o chegiparanga skanggipa Topon M Sangma, gnigipa Juniko K Marak aro gittamgipa Dylan Minty Sangma ong•aha aro Youngest Category-o chegiparanga, skanggipa Arkush Ch Momin, gnigipa Tedim A Sangma aro gittamgipao Wenish R Marak ong•skaaha.
Marathon-o chegiparangna boksisrangko Sonibar salo, World Water Day-ko Gambegre Block-ni ning•o donggipa Bolwarigre (Darechikgre) songo manianio on•anggen.
Na·simang ia video-koba nina man·gen:
Na·simang iakoba poraina man·gen: Lum Survey-o niam gri songdongenggiparangko apjitna Shillong Cantonment ja•ku de•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
