Shillong, Apr 11: Adita salrangna skang, Assembly-ni budget session-ko ong•atanio, Tura-ko Winter Capital songchina dabienggipani bidingo Assembly-ni Deputy Speaker Timothy D Shira-ni agangipa kattarangko YouTube social media-o manderangna ong•gija dake mesokahanina mokordoma ka•a man•gipa YouTuber sakgni baksa songgigrikani dongjawa ine Sukrobar salo Assembly-ni Deputy Speaker, Shillong songjinmani Chief Justice Magistrate-ni kachario mikkangpaeani ja•man talataniko on•ataha.
Iani bidingo Deputy Speaker-ni legal counsel Sujit Dey, kobor ra•timgipa manderang baksa agangrikengon, BNSS-ni Section 323-o pangchake Sukrobar salo Assembly-ni Deputy Speaker, an•tangna ong•a obostarangko kacharina aganaha aro uni agananirangko kachari chipe ra•ahani gimin da•o nipilanirangko dakanggen ine parakataha.
Shira-ni agangipa kattarango pangchake, mokordoma ka•a man•gipa mande sakgnini kamrangara uni mikkimko ra•ona gita ong•ama ong•ja uko kachari nianggen ine Dey aganaha.
Minggni case-rang, chong•motan criminal case aro civil case-ko Deputy Speaker, ia YouTuber sakgnini kosako ka•aha ine janapatengon, da•alo jekon ua aganengachim uan criminal case ong•a aro civil case-ode uamang, YouTuber sakgnioniko gong crore 100 ka•e compensation-ko dabienga ine Deputy Speaker-ni ukil parakataha.
Ia obostako kacharini a•palo namatani cholrang donggenma ine sing•anina aganchakaniko on•angengon, case ka•a man•gipa YouTuber sakgnian maming duk ong•ani ba kema bi•na skaniko mesokanian dongjani gimin ia case-o songgigrikani dongjawa ine Deputy Speaker parakataha.
Ia YouTuber sakgnini kamrangara Shira-kosan ong•aigija uni nokdang gimikkon ong•gija dake manderangni nikaniona ra•baaha ine Shira-ni ukil Sujit Dey-ba aganaha.
Na·simang ia video-koba nina man·gen:
Na·simang iakoba poraina man·gen: Tura jillako jinma rongtalata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
