Aizawl, Nov 17: Young Mizo Association (YMA) aro gipin NGO-rang aro songni dilgiparang, Myanmar sima ari-o donggipa Zokhawthar jolo dongchakna rikgipa noktop-rango Myanmar a•songoni katnapbae dongenggipa manderangna, cha•ani ringani, ganding chinding aro sam-rangko suale on•angaha.
Indo-Myanmar-ni sima-ario Myanmar army-rangni bomb galonani jamano, Myanmar-o songdong a•chaenggipa manderang, Mizoram-ni Champhai a•jani Zokhawthar jolo dongchakna rikgipa noktop-rangona sak 5000 na batpile kanaptokaha.
Young Mizo Association (YMA)-ni Financial Secretary, F Biaktinsanga kobor ra•timgiparang baksa agangrikengon, Myanmar-oni India-ona, sak 5000 ba 6000 mangni gita katnapbagipa manderang gnang. Indake ia manderangna, NGO-rangni gita cha•anirangko aro ganding chindingrangko on•e dakchakenga aroba a•dokni sorkari aro minister-rangba dakchakaniko on•enga. Uamang iano tom•tome dongna gita man•enga aro maiba neng•nikanirang dongoba Young Mizo Association (YMA) dakchakaniko on•enga.
Unbaksana, bang•a bi•sarang aro me•chikmarang iano gnang, uamangna Dal, cerelac, dut, vitamin, ganding chinding aro diaper-rangkoba bi•sarangna on•enga ine aganangaha.
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
