Tura, Aug 13: India a·songni jakgitelani bilsi chang 76-gipako ia bilsio manina gita batanggimin salrangoni manibaenggipa Azadi ka Amrit Mahotsav-ko dal·bee aro bon·chote maniani bak gita Tura, Dakopgre-o donggipa CRPF-ni unit headquarter-o a·songna ka·saani baksa gisiko katchaanian gape 120 Battalion CRPF, ‘Meri Maati.. Mera Desh’ campaign-ko ong·atangaha aro ia manianio, a·songtangna janggiko on·chake sianggipa Garo Hill-oni matgrik sipairangko gisik ra·e pul bibalrangko done mande ra·anikoba dakangaha.

Ia manianio, janggitangko on·chake sianggipa Garo Hills-oni CRPF sipairangoni, 209 Cobra Commando -ni Utpal Rabha aro 87 Battalion CRPF, Sugandha Koch-maangko mittelpilskaani chinrangchi pul bibalrangko done mande ra·aniko dakangan baksa, sianggipa sipairangni jikdrang, so·ota man·gipa CRPF sipairangni nokdangni manderang aro kamoni neng·take dongenggipa CRPF personnel-rangkoba apsandake mande ra·pilskaaniko dakangjolaha.

Salni tom·aona mongsonggipa ong·e sokgipa 120 Bn CRPF-ni Commandant, Pa Pramod Kumar Singh, jinmana aganprakangengon, CRPF sipairangni a·songtangna bimchipe dangdike on·ani kamrangko aro uamangni ka·donggipa kamrangchi a·songna sichakanirangko gisik ra·atangtaipilan baksa, da·ororoni chasong damberango a·songna ka·saanirang dongna nangani gimin sakanti chamdamberangko didiange, mikkangchi a·songo janggi tanggnigiparangna man·e donanganio, a·songko jakgitel ong·atna dakgrikdilgiparangni mingnamgipa kamrangkoba ua gisik ra·atangjolaha.

Salni programo, janggiko on·chakgipa CRPF sipairangna dintangmancha on·kange jinma gitko ring·e, doka-damanirangko dakan baksa, Tura, Nehru Yuva Kendra-ni chadamberang jatni chrokanirangkoba chroke mesokangaha aro samtangtangni namgnina on·kangtaipilani chin gita biapni wilwilao bol charararangkoba ge·angjolaha.

Iakoba poraie nina man·gen: Indigenous Knowledge and Intellectual Property Rights-ni bidingo Tura-o seminar-ko ong·ata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub