Guwahati, Apr 10: Lok Sabha Election ong•nasiengon, Pragjyotish College-ni chatro chatrirang, a•dokni namroro silroroanina kam ka•anio u•i ma•sigipa aro skia pora man•gipa candidate-kosa uamangna nanga aro iandakgipa candidate-nasa pu•ongen inenba parakataha.
Hub News baksa agangrikengon, Assam a•dokni silroroanina on•kange kam ka•nagipa aro chadamberangko gamchate ra•enggipa dilgipakosa seokna uamangni mangsonganiko parakataha.
Bilo ong•enggipa sorkarini de•enggipa ja•kurangni gimin janapengon, “Batanggimin bilsi 10 mangni gisepo, dingtang dingtang bakrango tang•doaniko nikna man•aha, indake, ian skanggipa changna chadamberangko gamchate ra•enggipa sorkariko nikna man•enga. Uni gimin chinga sorkariko mitela” ine chatro chatrirang aganaha.
Indake, uamang a•dokni silroro namroroaniko tang•doatani nangchongmotani gimin aganan baksa, a•dokni silroro namroroaniko gamchate ra•gipa sorkarina pu•ongen ineba uamang ku•rachakangaha.
“Ian angni skanggipa changna pu•onani ong•enga aro je sorkarian Assam a•dokna aro a•songna nambata aro silroro namroroanina kam ka•gen, ua sorkarinasa anga pu•ongen” inenba saksa dambebatgipa chatro aganaha.
Indake, ia chatro chatrirang, Assam a•doko jatni dakbewal rikbewalrangko ripingna nangchongmotani gimin janapengon, iarangni bidingo a•doko jedakgipa neng•nikanirang sokbagenchimoba, Parliament-o agana changgipa dilgipako man•a ka•dongsoenga ineba janapataha.
Na·simang ia video-koba nina man·gen:
Na·simang iakoba poraina man·gen: Mawlai Mawroh-o dolsa manderangni chadrapanichi mande saksa sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
