Shillong, July 26: Meghalaya a·doko, 2027 bilsio sokachaknasienggipa National Games-ni bidingo chanchirimna gita salgro salaramni damchet a·dokrangoni Sports Minister, chugipa gadangni officialrang aro Olympic Association-ni dilgiparang baksa Sukrobar salo, Shillong-o skanggipa changna tom·e chanchirimaniko dakangaha.
Meghalaya a·dokni Sports aro Youth Affairs-ni Minister Shakliar Warjri tom·anio aganengon, a·doko National Games-ko sokachakengasan ong·aija indiba itihaso nakatatnasa krengenga ine aganan baksa ian kal·susaani a·baosan ong·aigija ku·mong nangrimanioba Salgro salaram a·dokrangni bilakaniko mesokna chol on·engani ong·a ine aganaha.
Arunachal Pradesh-ni Sports Minister Kento Jini-ba, rika cho·ani, changa sapani aro bakrimanichi salgro salaram a·dokrang niksenggipa ong·gen ine aganaha.
Meghalaya Sports Commissioner aro Secretary Dr. Vijay Kumar D., stadium, kal·susagiparangni dongchak tuchakani, Sports Medicine centre aro dingtang dingtang a·jao rika cho·ani kamrangna gong kror 1500-ko chamna miksongenga ine tom·anio jinamana parakataha.
Ia National Games-o sak 10,000 kal·susagiparang bak ra·gen ine ka·dongsoenga aro ia National Games-o ming 30 kal·susaanirangko kal·susaatna gita ia tom·anio tik ka·aha.
Na·simang iakoba nina man·gen:
Na·simang iakoba poraina man·gen: Chitoktak sepango donggipa a·kuango truck bolsa ga·aka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
