Tura, July 26: National Highway 217B ramao, chakka rong dok gnanggipa truck gari bolsa Tura-ni Chitoktak sepango donggipa a·kuangchina ga·aksruangaha, indake ong·genchimoba rasong gnangbee PHE-ni chi salenggipa siltongrango bingbangrikani a·sel dal·bee a·sel ong·aoni naljokaha.
Koborko man·soani gitade, ML 10C 6680 number gnanggipa truck gari Garobadha-o bosturangko galone Guwahati-ona re·angpilenggipa ong·achim. Walni 9:00 bajimangona Tura songjinmako truck garirangni napake re·aniko batanggimin somoionin champengataha aro ia gari walni 9:30 bajimango songjinmako badee re·angengachim ine nikna man·a.
Ia a·sel ong·ani somoio gariko salenggipa chu ringama ringja da·o dipet name ma·sikuja, indiba kakket a·selko sandianiko dakengkua.
Ua jolo donggipa aro NH 217B ramako re·ruraenggipa manderang, walni 9:00 bajimangni ja·mano truck gari salgiparang namen ta·rakbee gariko salenga mongsongbate Rongkon, Chitoktak aro Chandmari jolrango blongbatenga jean mandeni janggina aro rama samo donggipa nok jamrangna kenchakani ong·a ine matnangataha.
Unbaksana, mikkangchi dal·a a·sel ong·aoniko champengsona gita iandake ta·rakprete gari salenggiparangni kosako raka niamrangko ra·gatchinaba songjinmao donggiparang authority-rangko didiataha.
Na·simang iakoba nina man·gen:
Na·simang iakoba poraina man·gen: Kargil Vijay Diwas 2025-ko Dighalipukhuri, Guwahati-o mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
