Shillong, March 20: A·dokni 86% skulrang Tobacco-Free Educational Institutions (ToFEI) ong·e, ta·makkuko gimaatani ba champenganio Meghalaya-an a·song gimiko nambatgipa ong·enga, aro ian ta·makku jakkalgipa bang·gipa an·chingni a·doko manderangni an·seng-baljokanio namgipa chu·sokani ong·enga.
Global Adult Tobacco Survey-ni (2017) gitade, a·doko bilsiantian sak 8,000 manderang ta·makku jakkalani a·sel sienga aro 47% dal·gimin manderang ta·makku jakkalgiparang ong·a. Iani gisepo indake chu·sokaniko man·aniara seng·gnang manderangni, mongsongbate bi·sarangni gisepo, ta·makku jakkalanirangko champengsona a·dokni ja·ku de·anirangko mesoka ine official-rang parakataha.
ToFEI programme-ko bilsi gittamna skang National Health Mission-ni ning·ao a·bachengataha aro uko Health aro Education Department-trang Sambandh Health Foundation baksa bakrime jako ra·e kam ka·enga.
Tobacco-Free Educational Institution ine certificate-ko man·na, skulrang komibeoba 80 score-ko man·na nanga. Indake dakna gita, skulni bagan ning·ao ta·makku jakkalaniko champenganirangko see donna nanga, awareness campaign-rangko ong·atna nanga, ta·makku jakkaljachina chatro-chatrirang re·jomaniko dakna nanga aro ta·makku jakkalani bidingo tarigimin niamrangko raken ja·rikna nanga, uandake skulrango ta·makku jakkalaniko ranta ka·aoni naljoke rakkina nanga. Bilsianti Meghalaya-ni skulrang dam 10,000 ong·nasipile anti-tobacco rally-rang, signature campaign-rang aro mikrakatanirangko ong·atronge, a·dok gimikon bi·sarangko ta·makku jakkalna ranta ong·aoniko champengronga.
“86% ta·makky grigipa skulrangko man·aniara dilgiparangna chu·sokanisan ong·aija indiba an·chingni dedrangni an·seng-baljokanina dal·begipa chu·sokani ong·a,” ine State ToFEI Nodal Officer, Jennyfer Jones Synrem parakataha.
Bilsi 13-15 ong·gipa bi·sarangoni 34% de dingtang dingtang cholrangchi ta·makkurangko jakkalenga ine aganenba, ia programme-ko gong·raken a·bachengatna nanganiko health official-rang parakataha. “Janggi tanga gimik ranta ka·anirangko dakanio skulrang mongsonggipa ja·kuko de·a. Ia kamrangko ka·anira mikkangchini chasongrangko naljoke rakkiani gimin ong·a,” ine National Tobacco Control Programme-ni State Nodal Officer, Dr Nabaneeta D. Mawrie aganangaha.
A·jarango aro songo-noko digital monitoring system-rang aro bakrime kam ka·anirangchi ia programme-ni ning·ao skigiparang, chatro-chatrirang aro songdonggipa manderang pilakan nangrime ja·ku de·anirangko dakenga.
Ia chu·sokaniara sorkarini kam ka·anirang bilakenga aro dingtang dingtang department-rang namedake bakrimenga ine mesokengasan ong·aija indiba India gimiko ta·makku jakkalanirangko champenganina ja·ku de·anirango gitalgipa gadangko on·aha ine official-rang aganaha.
Na·simang iakoba nina man·gen:
Na·simang iakoba poraina man·gen: BJP-o napani ja·mano Pradyut Bordoloi skanggipa changna BJP Office-ona re·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
