39 C
Tura
spot_img

A·chik a·songo mondoli songchengaoni bilso 157 gapa

Must read

Rajasimla, April 14: A·chik A·songo Kristian mondoliko songchengani salko Robibar salo Rajasimla Baptist Churcho mikkim gnangbee maniaha. 1867 bilsini April 14 tariko A·chik A·songni skanggipa Kristian mondoliko American missionary Dr. Miles Bronson songe doneaha aro sak 40 bebe ra·giparangchi ua mondoliko rikchengaha.

Advertisement

Gilja ka·anio Mapilkol Baptist Churchni pamong Spinson K Marak, “Jihovao pangchake mondoliko rikani” ine Isaia 28:19o pangchake Isolni kattarangko skiprakaha.

1863 bilsini February 8 tariko Omed Wa·tre Momin aro Ramke Wa·tre Momin Gauhatini Sukheswar Ghato Dr. Miles Bronsonni jakchi napbolatako man·aha. Omed Kristian ong·ahaon, Garorangna missionary dongama dongja ine Dr. Bronson-o sing·aha. Garorangna dingtangmancha missionary gri ine nikon uamang an·tangtangan re·ongkate jattangna Nama Kattako aganprakna re·ongkatna miksongaha. Indaken uamang sorkario kam ka·ako wate jattangna Nama Kattako aganprakna 1864 bilsini March jao re·ongkatbaaha.

Maidakgipa bewalo Nama Kattako gipatna kam ka·gen, uamang sko sko dondime chanchiaha. Ramke Damrao skul kulie lekka-porako on·a baksa aro Nama Kattako gipatjolengon, Omed a·brini bakrango wenroroe skiprakani balko ra·aha. Janggitangna kenchakbeani dongoba ua wagilgija Nama Kattako gipatna rakbee kam ka·aha. So·otna am·oba aro a·rikgalako man·oba ua an·piljaha.

A·rikgalako man·on Omed Rajasimla songko a·bachengate uano songdongskaaha. Watgalgija kam ka·ani ja·mano ua adita bebe ra·giparangko man·aha. Nowgongo dongenggipa American Baptist missionary Dr. Miles Bronson re·bae uamangko 1867 bilsini April 14 tariko napbolataha aro A·chik a·songni skanggipa mondoliko songe donangaha.

Advertisement

Mondoliko songchengaoni bilsi 157 gapaniko manianio Dr. Bilnang K Sangmani “Omed Wa·tre Momin” ine katta bichongko done sea ki·tapko Rev Jaseng D Marakni jakchi oprake on·aha. Omedni Kristian ongania maikai A·chik jatna dingtanganiko ra·baaha, Assam Missionko chipgnioniko maikai jokataha, aro salgro-salaram a·dokrangni Baptist mondolirang pilaknan maikai nangchongmotgipa ong·aha, ua ki·tapo talate sea.

Na·simang ia video-koba nina man·gen:

Na·simang iakoba poraina man·gen: BJP-ni ‘Sankalp Patra’-ko PM Modi oprake on·anga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article