Guwahati, Apr 14: Lok Sabha election-na Bharatiya Janata Party (BJP)-ni ‘Sankalp Patra’ ine minggipa election manifesto-ko Robibar salo, a·songni Prime Minister Narendra Modi, BJP-ni gipin dilgiparang baksa oprake on·angaha.
BJP-ni election manifesto-o Indo-China, Indo-Pakistan aro Indo-Myanmar simarango, nambate chel·chakanirangko on·na ku·rachakaniko on·angaha.
Citizenship Amendment Act (CAA)-ko ra·gatenba, gipin a·songrango toromni gita a·rikgalako man·gipa manderangna India a·songo songdongna cholko on·na gitaba ia ‘Sankalp Patra-o BJP ku·rachakaha.
Uniform Civil Code (UCC)-ko ra·gate a·songo apsan niamrangko ja·rikna gitaba BJP-ni election manifesto-o ku·rachakaniko on·aha.
A·songni pilak biaprangon apsan election-ko ong·atna gita dingtangmancha High Powered Committee-ko songani giminba ia election manifesto-o janapaha.
A·songni dingtang dingtang biaprango donggipa IIT, IIM aro AIIMS-rangko bilakbatatna gitaba BJP ku·rachakaha.
Indake ong·engon, salgro salaram a·dokrango tom·tomaniko rakkiangkuna, India a·songko economy-o gittamgipa a·song ong·atna, PM Garib Kalyan Anna Yojana-ni ning·o cha·ani ringani bosturangko indin on·angkuna, kangal cholgri nokdangrangna indin bijoliko sale on·na, kamrango me·chikrangnaba cholrangko on·dapna, gama ge·anirango Minimum Support Price (MSP)-ko bariatna, PM Kisan Samman Nidhi Yojana-ni ning·o tangka paisarangko dakchake on·na aro Krishi Infrastructure Mission & Krishi Sattelite-ko a·bachengatna gitaba ia ‘Sankalp Patra’-o BJP ku·rachakaniko on·aha.
Na·simang ia video-koba nina man·gen:
Na·simang iakoba poraina man·gen: Gegittam constituency-rangosan BJP dol rake susaaniko dakna nangaigen: Assam CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
