Tura, Mar 28: Bristibar salo, World Theatre Day-ko maniani bak gita Garo Hills-ni A·chik Theatre dol, ‘Du·kon’ dakmesokaniko Tura-ni District Auditorium-o mesokangaha aro una skang, NEHU Tura Campus-ni English Department-ba ‘opening act’ ba dakmesokanichi oprake on·angaha.
NEHU Tura Campus-ni ning·o donggipa English Department-ni dakmesokanio, songsalni dingtang dingtang neng·nikanirang, jekai bilsi sokgija an·o dongani, pekatgipa samrangko jakkalani, noko jikdrangko ka·sagija jakkalani aro uandakgipa kamrangni bidingo dakmesokangaha.
Ia ‘Du·kon’ bipangara mande ga·dapmanahaon mandeko re·brangatgipa sam-bol ong·a ine A·chikrang bebera·a aro iano pangchake A·chik Theatre dol, ia dakmesokanio da·ororo manderangni janggi tangani bewalrangko dakmesokskaaha.
World Theatre Day-ko manianio, A·chik Theatre-ni Advisor Tarun Saikai, Hub News baksa agangrikengon, dakmesokaniara manderangna ma·siate on·anio nambatsranggipa chol mingsa ong·a aro iako skie on·anio aro bi·sarangko pilakni gitan dal·droatanio chol mingsa gita ra·na man·a ine aganaha.
Na·simang ia video-koba nina man·gen:
Na·simang iakoba poraina man·gen: Myanmar-o dolgni gogrikani ja·man manderang Manipur-o katnaptokenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
