Itanagar, Oct 17: India-ni salgro-salaram a·dok damchetrangni palo kamko ka·gnigipa pan-Northeast party ba dolko a·jolo nangenganiko Meghalaya-ni skotong minister aro National People’s Party (NPP)ni skotong dilgipa Pa Conrad K. Sangma parakangaha.

Itanagar-o NPP dolni sriksrik tom·ani ba Conclave-ko ong·atna mikkang-mikkang, kobor ra·timgiparangna aganangengon, salgro-salaramo songdonggipa pilak a·bri jatni daka-rikanirang, dakbewalrang aro bilrangko chel·chakna gita nisanko done NPP dol kamrangko ka·enga, indake ong·oba ia miksonganio chu·sokna amna gitade a·joltango dingtang dingtang neng·nikanirangko ma·mongona ra·ange uarangko ma·siate on·na gita pan-northeast party dongna gita nangskagen ine Pa Sangma parakataha.

Unomiting, dolni sriksrik tom·aniko ong·atenganiara mamingnaba ong·ja, indiba political-ni gimin chanchianiko dakanisan ong·engama ine sing·on, “Oe, ong·manchaa! National People’s Party (NPP) dolara ge·sa jakgitelgipa dol ong·a aro mande sakantini apsan dakgipa neng·nikanirangko a·dokni manderang ma·sina nangchongmota ine skotong minister agan-talataha.