Shillong, April 10: The Awaken India Movement (AIM) dolrang adhar Card ka·na manderangko drajachina sorkarina sal sni somoirangko on·e iako dontongatchina dabiangaha. Kiang Nongbah mangkrom sambao jinma tom·dake chanchigrikani ja·man dolni manderang sorkariko mol·molataha.
Songjinmao jinma re·jomaani a·selo gari-gorarang chakjapile pulisrang baksa nanggrikangpilaha. Ia re·jomaanio VVPni MLA Adelbert Nongrum ba dongpaaha.
Adita ja·man, dolni dilgiparang East Khasi Hillsni DC RM Khurbahko grongna cholko man·aha aro uamangni nangnike dabienggipa memorundamkoba on·jolaha. Uamangni memorundamko skotong ministerba watate nama ja·kuko ga·e kam ka·china didigen ine DC uamangna ka·dongatani kattarangko aganaha.
“AIM adhar Card ka·aniko jegaljaenga, indiba sorkarini uko ra·china draatanikosa jegalenga. Supreme courtni ge·etani gita Meghalaya, Assam aro Jammu Kashmir a·dokrangode adhar Card ka·ani nangchongmotgipa ong·jachim unigimin adhar cardko ra·a ra·gijanide manderangosa pangchaka.
Indiomangba sorkari iako nangchongmotgipa gita dake ra·gatskaengjok. ASHArang, Anganwadirang, chatro-chatrirang, MGNREGS aro gipin kamrangnaba iako nangenga. Salsnini gisepo sorkari mamingkoba aganchakjaode chinga Supreme court ba High courtni do·gacholko doktikna nangnaba gnang” ine Marbaniang aganaha.
Na·simang ia video-koba nina man·gen:
Na·simang iakoba poraina man·gen: A·chik dolrang SGH-ni Seelpang Govt. LP Skul-ko ta·rake taripiltaie on·china didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
