Shillong, Dec 29: Kenches Trace-ni Harrison Bridge-o donggipa Shelter Home-ni ning•o, pekatgipa bosturangko biji su•ani aro jakalaniko ka•gimin ja•wilwat giproroenga ine nikna gita man•a. Ia ja•wilwat ka•chakenggipa biapko, Khasi Students’ Union (KSU) Laban Circle-ni gita, Sukrobar salo am•sandianiko dakangaha.

Ia ja•wilwato, Shelter Home-ni ning•o, adita manderangni pekatgipa bosturangko biji su•anirangko aro jakalanirangko aro niamni kosako re•badeani kamrangko ka•anikoba nikna gita man•aha.

Indake, ia Shelter Home-ko, Shillong Municipal Board (SMB)-ni gita name nirok sandianiko dakjani a•selo, iandakgipa niam gita ong•gijagipa kamrangko ka•ani biap ong•skaengaha ine KSU matnange aganaha.

Indake, ia ja•wilwat ka•chakenggipa biapko u•iani jamano, KSU aro Laban Police Station-ni police personnel-rang Shelter Home-ko rang•gitik am•sandianiko dakon, jakale galgimin bang•a syringe-rangko aro pekatgipa bosturangko tepna tarigipa bosturangko rim•na man•aha. Indake ong•genchimoba, dos gnanggipa manderang, police aro KSU dolni am•sandianiko dakna skangan joke kattokaha ine nikna gita man•a.

Iani gisepon KSU, iandakgipa niamni kosako kragija ka•gipa kamrangoniko chelchaksona man•a gita, Security Guard-rangko rakkina nanga inenba Shillong Municipal Board-ni officialrangko mol•molan baksa didiataha. Unbaksana, manderangna nok parako on•engon, SMB officialrangni gita name nirokchengesa simsake on•a nanga ineba KSU dabiataha.

Iakoba poraie nina man·gen: Wa•al kamanichi te•gni dokanrang aro bolbri scooter-rang nosto ong•atako man•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub