Adokgre, May 25: A•dokgre-ni damsa RMSA skul nokko rikenggipa contractor kamrangko name ka•jaenga ine manderangni badi ka•doani jamano, kakketko u•ina man•a gita, a•jani official-rangni dongpaanio Skotong Minister Conrad K Sangma an•tangan Sonibar salo rang•gitik nirok sandianiko dakangaha.
“Ia obostani bidingo name am•sandianiko dakchina, a•jani Deputy Commissioner-na ge•etaniko on•ataha. Anga saksa Engineering expert ong•jagenchimoba, badiabaode uamang name chu•onga gita kamrangko ka•jaenga ine nikna man•enga” ine CM aganaha. Indake Skotong Minister-ni somoi gita nirok sandianiko dakahanina North Garo Hills a•jao songdongenggipa manderang uko mitelpilskaaniko dakangaha.
Iani gisepon Conrad, je kamrangko uamangna tikatahachim, uarangko name aro kakket ong•e kam ka•e on•china ine contractor-rangko didiatan baksa, sorkarini project-rangko iandake namgija aro kakketgija dangdike on•genchimode, chakchike aro nidame dongjawa ine mikrakatanikoba on•atjolaha.
Na·simang ia video-koba nina man·gen:
Na·simang iakoba poraina man·gen: Assam-ni DGP GP Singh, Khelmati-ni IC-ko kamoni dikdiksana dondikataniko ra•galpila
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
