Imphal, Sept 7: Manipur a•dokni skanggipa Skotong Minister, Mairembam Koirang Singh-ni nokko man•chape biap damgnirango bobil dol dakgiparangni rocket boma gopretani a•sel, a•doko bon•a changjaenggipa so•so jengjeng ong•anirangko ding•chaobatataha.
Koborrangko man•soani gitade, ia ong•a obosta Bishnupur a•jao ong•aha jeon saksa janggitangko gimaatna nangao ga•akan baksana bilsi 13 ong•gipa me•chik bi•sako man•chape sak 5 manderang saknaako man•aha.
Re•anggipa bilsini May jao, Manipur a•doko Meitei aro Kuki-Zo jatrangni gisepo nanggrikani a•bachengaha, jeni a•selan sak 100 mangna batpile manderang janggitangko gimaatan baksana sak hajal 50 manderangko nokgri jamgri ong•ataona sokataha.
Police dolrangni u•iatani gitade, bobil dake chakatgipa dolrang, gitcham Skotong Minister-ni nokko attamni 3:30 bajirango rocket boma gopretna jotton ka•ahachim aro ia boma Moirang jillao gitcham Skotong Minister-ni nokoni meter 1 mangni gita chelao ga•akeskaaha.
Ia ong•a obostao, olakkianiko dakna tarisoenggipa Meitei jatoni bilsi 72 ong•gipa RK Rabei Singh, janggitangko gimaataha aro gitcham Skotong Minister-ni adita nokni manderangba saknaako man•tokaha, inenba police dolrang u•iataha.
Gitcham Skotong Minister, Mairembam Koireng Singh, a•dokni skanggipa Skotong Minister ong•e bilsi 1963 bilsioni 1969 bilsini gisepo chong•motan term 3-na Skotong Minister ong•e kamrangko ka•angenba, 1994 bilsio a•gilasakko watangaha.
2023 bilsini May jaoni, Manipur a•doko Kuki aro Meitei jatrangni gisepo nanggrikani a•sel so•so jengjeng ong•anirangan namkujaengon, drone-rang aro rocket bomarangko gopretna jakkalaniara chelchakgipa dolrangna jajrenganiko nakatataha.
Ia ong•a obostani kosako jegalaniko dakengon, Skotong Minister N Biren Singh, ia drone-rangko jakkale boma gopretaniko dakaniara sorkarini kosako bolbil dake chakatgiparangni kamsa ong•a aro authority-rang ianchakgipa ostro-rangko jakkalanio kena nanggnirangko bon•atna kamrangko a•bachengataha.
Kuki jatrang an•tangtangna dingtang administration-ko dabianiko dakenba memorandum-rangkoba watataha aro Union Home Minister-koba grongman•aha.
Bobil dakgipa dolrangni ramram manderang aro chelchakgipa dolrangkoba chadrapna a•bachengahani a•sel, ru•utgija salrangna skang mangmangsan Manipur Police Department, Jabalpur-ni Ordance Factory-oniko bang•a 7.62mm MMG MK 2A1 machine gun-rangko ra•baaha.
Na·simang ia video-koba nina man·gen:
Na·simang iakoba poraina man·gen: Megh-ni mingsingbegipa gadanggni dakgipa bol ja•dilni jal•ang sepangoniko “dancing girls” ingipa rokomni pulko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
