Itanagar, July 5: Air Gun Surrender Abhiyan-ni ning·o Campaign-ko ong·atanio Arunachal Pradesh a·doko songdongenggipa manderang an·tangtangni jakkalenggipa slairangko bol 2,400 mangni gita sorkario pakwate on·eaha.
Ia ja·kuko de·aniara, matburing aro do·buringrangko sikar ka·e so·otgalenganiko bon·atna miksonganio a·bachengatgipa ong·a aro ian Prime Minister Narendra Modi-ni janapchenganiko namnike UNESCO-ni ra·chake a·bachengatgipa programme ong·a.
Arunachal Pradesh-ni Skotong Minister Pema Khandu, ia ja·kuko de·enganina a·dok rasong chabea aro ian samtangtango ong·telaigipa gamrangko ripinge rakkianina dakmesokenganiba ong·a ine aganaha.
Ia programme-ko 2021 bilsini March jao East Kameng a·jani Lamdung songo a·bachengatchengaha, jeon bol 46 slairangko ua jolo songdongenggipa manderang pakwate on·aha. Indake ia saloni dipet, Environment and Forest Department-ba ia ja·ku de·anina chakpaaniko on·aha.
Ru·utgijan ia programme dok gimikona gipangaha aro bang·a manderangan an·tangtangni jakkalenggipa slairangko aro niamgri aro licence gri jakkalenggipa bol ratani machine-rangko pakwate on·etokenga.
Na·simang ia video-koba nina man·gen:
Na·simang iakoba poraina man·gen: M’laya a·dok gimiko MGNREGA scheme-ko a·bachengatani kamrang namenga : Minister Mondal
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
