Nagaon, Apr 3: Budhbar salo, AIUDF-ni candidate Aminul Islam, AIUDF-ni Chief Badruddin Ajmal-ni dongpaanio, Nagaon Lok Sabha Constituency-o susana gita, Nagaon a•jani Commissioner-ni office-o nomination file ka•angaha.
Ua Congress party-ni candidate Pradyut Bordoloi aro Bharatiya Janata party-ni candidate Suresh Bora baksa susaaniko dakanggen. Una agreba, Nagaon a•jani Shikha Sharma-ba, Independent-ni candidate ong•e susana gita nomination file ka•angaha.
AIUDF-ni Chief Badruddin Ajmal, bang•a manderangni chakpaaniko nikengon, Nagaon seat-o chingni candidate-an chechongmotgen ine aganaha. Unbaksana, Assam a•dok gimikon Congress-ko nikna neng•engaha aro Delhi-oba Congress party-ko nikna man•jahani gimin AIUDF-ni candidate Aminul Islam chegen ineba ua agandapataha.
Kobor ra•timgiparang baksa agangrikengon, “Chinga lak 3 vote-rangchi BJP-ni kosako chena ka•dongsoenga aro Congress-ko niatgenchimode, manderangni aro party-ni dilgiparangni gisepo maming kadonganiko on•jahani gimin, bang•a Congress dilgiparang BJP dolo bakrimtokengaha aro unbaksana, Congress dilgipa Rakibul Hussain-ba, uko ja•rikenggiparangko, BJP-na pu•ona aganaha, uni gimin, ia chango manderang ching baksa ong•enga” ine AIUDF-ni candidate Aminul Islam aganaha.
Na·simang ia video-koba nina man·gen:
Na·simang iakoba poraina man·gen: ‘Jatiyodabad’ sakgipinni gamko nosto ka•ani kosako, songdongenggipa manderangni man•gni bilko gamchate ra•batenga:Sonowal
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
