Shillong, March 24: Sukrobar saloni a•bachenge, West Jaintia Boxing Association (WJBA)-ni gita All Jaintia Open Boxing Championship-ko salgnina Jowai-ni Ladthadlaboh-o donggipa Madan Daimasi-o ong•atenga.
Ia Boxing Championship-ko a•bachengatanio, West Jaintia Hills a•jani Superintendent of Police (SP) BD Marak, mongsonggipa sokgipa ong•e bakko ra•angaha aro ia tom•anio Additional SP Herbert Kharkongor, Jowai Police Station-ni officer-in-charge S Mannar, Ladthadlaboh-ni Waheh Chnong A Shullai aro gipinrangba dongpae bak ra•angaha.
Ia Boxing Championship-ko a•bachengatanio West Jaintia Hills a•jani SP BD Marak, jinmana aganprakengon, iandakgipa susaanirangko ong•atenganina WJBA-ko mittelpilangenba, mikkangchi a•doko namnamgipa boxer-rangko ong•katatna man•na gita rake kamko ka•angkuchina association-ni membor-rangko didiangaha.
Ia tom•anio, WJBA-ni advisor R Laloo-ba, jinmana aganprakengon, batanggimin somoirango association-ni chu•sokatgipa kamrangni gimin jinmana agan-talate on•angskaaha.
Ia Boxing Championship-o West aro East Jaintia Hills a•ja damgnionin boxer-rang bakko ra•enga.
Iakoba poraie nina man·gen: Niamko ja•rikesa Speaker Assembly-ko chalaienga ine CM talata
