Shillong, Sept 2: All Meghalaya Dancers Association, Meghalaya a·dokoba chrokani skichakram-ko a·bachengate on·china August 2 tariko mol·molaha.

AMDA-ni President Kitbok Thabah kobor ratimgiparangna aganengon, Meghalaya a·doko chrokna aro git ring·na gisiko nanggipa chadamberangna sorkarioni tangka paisachi maming dakchakani dongja aro uani a·selo National ba Internationa gadangrango susapana chol ong·ja ine Thabah aganaha.

Indake ong·engon, Meghalaya a·dokoba chrokaniko skie on·chakramko sorkari rike on·an baksa tangka paisao dakchakaniko on·china Pa Thabah aganaha.