Shillong, MAR 26: National People’s Partyni candidate Ampareen Lyngdoh, haida, BJP aro CBI-ni sinjetaniko man·engakon ine Shillongni MP ong·enggipa Vincent Pala donmitape aganaha.
Gipinrang uni bidingo maiko maikoba aganengani gimin uamangni kosakoba aganpaade krabewal ong·ja ine Mongolbar salo nomination file ka·ani ja·man Pala kobor ra·timgiparangna aganaha. Congress-na eleksin balwa namama namjaenga u·ia aro re·baenga eleksino uko ganggilatgen ine Ampareen Lyngdohni aganako miksonge Vincent Pala aganengachim.
Batanggimin chang 3 eleksinrango Ampareen Lyngdoh-an wenpae dakchakaha inede Pala aganaha.
“Khasi-Jaintia Hillso angna bang·en wenaha aro angko de·mittele aganrongaha. Indiba da·ode ua dol dingtangjok, haida da·ode dingtang dake aganchina uko CBI ba BJP draengakon. Angade mamingkon aganjawa, indiba ua angna namen dakchakbeani ong·achim, angko nambeachim.”
“Saoba CBIni ning·o ong·engode, uko uko dakna bang·enggipakode angna nangja. Uandakgiparangde gisiko miksonggijakoba aganna nangenggen. Basakobade mandeara jeko agana ukode miksongja, basakobade maikoba miksongako bikpilesa aganskaa. Iani bidingode anga agandapna sikjajok,” ine Pala aganaha.
NPPna on·tisade chakpaani donga Palako agantoka gnanggipani bidingoba ua aganchakaha. “Angade gimik partykon namnikani dongaia. Anga politiksko politiks gita, ripengskako ripengska gita ra·a. Anga badiaba political partyna chakani gnang inede ong·ja, indiba an·chingni Meghalaya gita chongipa a·doko an·ching ku·cholsan nangrime kam ka·ode nama, maina an·ching an·tangtangni namgnina ong·ja, jinmani namgninasa kam ka·tokenga.”
Na·simang iakoba poraina man·gen: AHAM dol Bajengdoba PHC-o doctor-rang chu•onggijaniko nirokatchina DC-ko didia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
