Tura, March 26: Brigipa changna Turani MP ong·na ka·donge susana tarienggipa Agatha K Sangmani aganani gitade Citizenship Amendment Billko 6th Schedule-ni ning·o ga·akgipa a·dokrangode ra·gatjaengani gimin Meghalayo maming bak nangeja. Uni gimin, eleksin somoio uko ong·gija aganenggiparanga Garo Hillsni manderangko dilsretengasa ineba ua agandapaha.
“CAA-ko 6th Schedule-ni ning·o ra·gatgija dakatjaode anga maming saloba una vote on·pajawachim. Meghalayade 6th Scheduleni ning·o ga·akani gimin CAAchi maming bak nangeja. Iakode an·chingni a·doko katta naatanian gri” ine Agatha K Sangma songbad setimgiparangna talate on·aha.
“Meghalaya a·doko CAA maming bak nangejaoba gipin dolni manderang donggijakon donga gita agane katta bikotna am·enga,” Agatha aganaha.
“Ia eleksinara namroro-silroroani ramako ritchuangkuanisa ong·a, maina batanggimin bilsi 6ni gisepo NPP a·dokna aiao inmanpila namgnirangko ra·baaha. Ian dol gimikni krimkro kam ka·ani ong·a. Uni giminsa gipin dolni manderang minggipin katta dongjae iarangko agane roenga.”
BJPni sason ka·enggipa mitam a·dokrango Hindu ong·gijagipa manderangko sinjetanio NPP aro uni chanchianiko sing·on, ong·gija dakanikode kakket bichal gri pangnaba watna man·jawa ine ua aganchakaha.
“Angan Christian MPs Forum-ni Convenor ong·a aro chinga pangnan indakgipa obostarangni bidingo ku·cholsan ong·e chingni jajrengchakani aro ong·nikgijanirangko parakronga” ine Agatha K Sangma aganaha.
Na·simang iakoba poraina man·gen: “Ampareenba da·ode dingtangesa aganengjok”: Vincent Pala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
