Shillong, June 12: South West Garo Hills-ni sports infrastructure-ko nina re·baon, Meghalayani Sports Minister Shakliar Warjri Bristibar salo da·o tarienggipa Nagrasket Football Turf aro International Stadiumko nina Ampationa re·angaha.
Sports Ministerni indake re·baaniara Meghalaya-o, mongsongbate songrango aro kal·susaanio nadobaenggipa a·jarango kal·susaani cholrangko namdapatna sorkarini on·kange kam ka·aniko mesoka. South West Garo Hillsni Additional Deputy Commissioner Dolrich B. G. Momin, District Sports Officer Saljagring M. Marak, SSCM Assistant Engineer aro a·jani gipin officialrangba Minister Warjri baksa re·e nianirangko dakaha.
Nagrasket turf-ko nina re·angon, artificial football turf-ni nosto ong·roroanganiko nike uko ta·raken tarichina minister SSCM Engineerna ge·etaniko on·aha, aro gital tarigimin turfko name rakkina aro jinmani jakkalanina uko District Sports Office aro Ampati-ni Footbal Association-na pakwatchina aganaha.
International Stadiumko tarina miksongenggipa biapona re·angon, kam ka·anirang ka·sinenga aro namgipa gadango ka·jaenga ine Minister Warjri an·tangni chu·ongnikgijaniko parakataha. Namgipa gadango kamrangko ka·na aro somoi gita matchotna ua Stadium-ko rikanirangko nipilna aro bangki dongenggipa kamrangko name nirokchina SSCM-ko ge·etaha.
Kal·susaanio gisik nanggiparangna name skina aro kal·susaanirangko namdapatna namgipa gadangni cholrangko aro biaprangko nanga ine Minister talate on·aha.
Na·simang ia video-koba nina man·gen:
Na·simang iakoba poraina man·gen: DCIC Training Centre-o jasana Make-Up Artistry training program-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
