Tura, Jan 13: South West Garo Hills a•jani Ampati jolo donggipa pokkri damsao bilsi 70-mang ong•gipa butchuma saksa Budbar salo sripe siaha.
Koborko on•ani gitade, pokkrio sripe sigipa butchumara Chelapara songni bilsi 70-mang ong•gipa Maneshwari Hajong ong•achim aro uni manggisiko Budbar salni 12:45 bajimango pokkrioniko man•aha.
Ia butchumani manggisiko nikani ja•mano police-rang, Fire & Emergency Service-ni dakchakanichi manggisiko pokkrioniko ra•ongkatenba, uni manggisiko rate nina hospital-ona watataha.
‘Da•o dipet ia butchumani siani a•sel name ma•sikujaengoba, ua pokkriona ga•akangesa sripe siaha ine police-rang chanchichipenga.
