Tura, Aug 8: India a•songo bang•a manderangan an•chirangko man•jaengani a•sel siangna gita nangtokengani gimin an•chi on•gilani gamchataniko manderangna agan-talate on•na gita Delhi-ni social worker Kiran Verma, a•song gimikni kilometer 21,000-na baten ramarangko re•jomangaha aro ia km 21,000-oni km 15,200-kode ua ja•atingtingchin re•jomaha.
India a•songo manderang an•chi man•jani a•sel sina nangjana gita ua sak million 5 an•chi on•gilgipa manderangko didina gita a•songni dingtang dingtang biaprangona re•jomangaha aro uandaken da•o ua Tura-onaba sokbaaha.
Tura-ona sokbaani ja•man ua an•chi on•gilna nangengani gimin ua Hub News baksa agangrikengon, Garo Hills-o blood bank damsasan dongaia aro an•chi nanggipa manderangna an•chi on•gilgiparangba namen komikuengani a•sel an•chi nanggipa manderangna namen dukni katta ong•enga ine Verma parakataha.
Manderangni janggirangko jokatna gita an•chirangko on•gilchina gitasa da•alo ua Tura-onaba re•baaha ine talataniko on•angengon, Meghalaya a•doko aro mongsongbate Garo Hills-o saoba mande saksa sianga changantian an•chingni uamangna simsakgijaniko mesokanisa ong•enga ine Verma parakataha.
Verma-ni parakatani gitade, manderangko an•chi on•gilchina didie uni re•jomaniko ua 2021 bilsini December 28 tariko, Thiruvananthapuram-oni a•bachengataha aro uni miksonganian 2025 bilsini December 31 tarikni ja•mande India a•songo darangba an•chi man•jani a•sel sijachina miksonganian ong•enga.
Ua August-ni 7 tariko Tura-ona sokbaaha.
Verma-ni parakatani gitade, uni Tura-ona sokbaani ja•man ua West Garo Hills a•jani Deputy Commissioner Jagdish Chelani-ko gronge, maikai dingtang dingtang jatrangna an•chi on•gilani bidingo didina man•gen, uarangni gimin agangrikangaha.
Ua Meghalaya a•dokni Chief Minister Conrad K Sangma-koba gronge, iani bidingo agangrikna miksongenga ineba Verma parakataha.
Iakoba poraie nina man·gen: Manipur-o KPA-ni an·pilanichi BJP sorkarina maming nangchakeani dongja: BJP MLA
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
