Tura, Sep 22: West Garo Hills a·jani Anti-Narcotics Task Force (ANTF), heroin ra·bite re·angenggipa sakgni manderangko Phulbari Police Station ning·o ga·akgipa Kokaimari-o rim·aha.
Pekatgipa bosturangko badingchiwalani bidingo koborko man·soa bakan ANTF Kokaimari-o naka checking-ko dakangaha aro 53.67 gram mang ong·gipa heroin-ko Maruti Celerio garini seat ning·aoniko nikna man·aha. Ia gario gariko salenggipa, Noboruddin-ko chanchape gimik sak 5 manderang gadoe Guwahati-oni West Garo Hills-ona re·baenggipa ong·achim.
Koborko man·soani gitade, ia pekatgipa bosturangko Guwahati ISBT-oniko ra·baaha aro uamang ia bostuko West Garo Hills a·jani Gomaijhora songoni Fazadur-na ra·angna miksongengachim
Indake iano jak donggipa sakgni manderangko rim·aha aro ia manderangara, Pushkinipara-oni Sahidur Islam (32) aro Narainpur Silchar-oni Nazim Uddin Lasker (39) ong·a.
Uamangni gari, pekatgipa bosturang aro gipin bosturangko Police-rang rim·aha aro NDPS Act-o pangchake Phulbari Police Station-o mokordomako segataha.
Superintendent of Police Abraham T. Sangma, sakantian mikrake dongchina aro iandake pekatgipa bosturangko badinganio jak donggiparangko rim·a man·genchimode sepangbatgipa Police Control Room (PCR)-ona koborko u·iatchina didiataha.
Na·simang iakoba nina man·gen:
Na·simang iakoba poraina man·gen: Tangka-paisarangko nigrike Adhoc skulrangko ra·doatani bidingo sorkari chanchigen ine Education Minister agana
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
