Nongpoh/Shillong, Sep22: Adhoc skulrangko deficit gadangona ra·doani bidingo a·dokni tangka-paisarang dongao pangchake a·dok sorkari tik ka·gen ine Education Minister Lakhmen Rymbui ku·chakangaha.
Federation of All School Teachers of Meghalaya-ni (FASTOM) adhoc skulrangko deficit gadangona ra·dochina dabie re·jomanirangko dakani gisepo minister ia parakataniko dakaha.
Sorkari a·dokni tangka-paisako nigrike rai-ko ra·genba inenba ia obostara namen neng·nikani gnanggipa ong·a aro namedake chanchichenganiko dakna nanggen ine Rymbui Sombar salo kobor ra·timgiparangna parakataha.
“Ia gital obosta ong·ja. Ian ru·uta salrangoni adhoc skigiparangni dabienggipa ong·a indiba indake ong·genchimoba, iako dakna sorkarina namen altuani ong·ja maina iana bang·a tangka-paisarangko nanga,” ine ua aganaha.
A·dok sorkari skigiparangni dormaharangko 2021-2022 bilsirango bariatahachim, aro da·o sorkario tangka-paisako nigrike, mikkangchi maiko dakna man·a nianggen ine ua janapaha.
Uandake, Commissioner aro secretary pilak organization-rangko grongaha aro ia obostako namatna sorkari manva dipet krenge kamko ka·gen ineba minister aganangaha.
‘Da·o dipetde mamungkoba aganna man·kuja. Da·alba ba mejalba sorkaride ong·angkuaigen uni gimin iano bak donggipa pilaknan mai nambatako dakna man·a nina nanggen,” ine ua talataha.
“Jeko daknaba sorkarina ba department-naba altua ong·ja indiba chinga manderangna dangdike on·na kam ka·enga aro chinga chingni bil ama dipet krenge, pilaknan namgniko on·na jotton ka·gen,” ine agandapaha.
Indake ong·engon, a·doko adhoc system-ko ra·galna sorkari gital niamrangko ra·gatjana kingking, jegalanirangko dakangkugen ine FASTOM parakataha.
Na·simang iakoba nina man·gen:
Na·simang iakoba poraina man·gen: Zubeen Garg-ni manggisiko Mongolbaro post mortem ka•taigen: Sarma
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
