Itanagar, May 8: Budbar salo, Union Defence Minister Rajnath Singh, Arunachal Pradesh a•dokni mongsonggipa dolong dambriko, video conference gita kulie on•ataha. Ia internet gita ong•atanggipa tom•anio, Pongchau-Wakka MLA Honchun Ngandan-ba dongpae bak ra•angaha.
Ia gital kulie on•anggipa dolongrangara, Pongchau-Konnu-Konsa ramani meter 110 ong•gipa Tissa dolong, Anini-Dembuen ramani meter 80 ong•gipa Dri chiringni dolong, Hayuliang-Metaliang-Chaglohagam ramani meter 80 ong•gipa Peepani-I dolong aro Anini-Mipi ramani meter 45 ong•gipa Iripani dolong ong•a.
Ia dolongrangko kulie on•angani somoio Pongchau-Wakka MLA Honchun Ngandan, jinmana aganprakengon, ia dolongrangko rikanichi Arunachal Pradesh a•doko pangkamgipa namroro silroroaniko ra•bana man•gen aro ia dolong dambriko kulianichi, ia ramako re•ruraenggipa manderangna bang•en dakchakani ong•gnok ine an•tangni ka•dongchakenganiko parakangaha.
Na·simang ia video-koba nina man·gen:
Na·simang iakoba poraina man·gen: Scout and Guide Patrol Leader Campko Baghmarao ong•atenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
