Dibrugarh, May 21: Arunachal Pradesh a·dokni Longding a·jao tom·tomaniko rakkina gita kamrangko ka·engan baksana ia jolrango donggipa Wancho jatni daka rikanirangkoba ripinge rakkina gita Assam Rifles ja·kurangko de·aha ine kobor on·aha.

Kobor on·timgiparangni u·iatani gitade, Wancho jatni daka rikanirangko ripingna kam ka·anio Wancho Literary Mission aro Assam Rifles nangrimenba, chadamberangna Pedagogic workshop-ko re·anggipa April 24 tarikoni jagimikna Longding a·jani headquarter Pongchao songo ong·atangaha.

Ia workshop-o Wancho chadamberangoni sak 100-na baten bakko ra·tokenga aro uamangna Wancho Literary Mission-ni gita Wancho ku·sik aro golporangni gimin skie on·enga ine u·iataha.

Ia Pedagogic workshop-ko re·baenggipa May 30 tariko matchotatnaba gnang ine kobor on·timgiparang parakataha.